بصراحة انا شايف مفيش مشكلة إني احب مبارك........

بصراحة انا شايف مفيش مشكلة إني احب مبارك

إيه يعني الناس اللي ماتت في التحرير

إيه يعني أخويا اللي مش لاقي شغل

إيه يعني صاحبي اللي مات وهو بيحاول يدور علي شغل بره مصر

إيه يعني جارتي اللي بتنزل الساعة 6 الصبح عشان تجيب رغيف مدعم

...إيه يعني جاري اللي اتشرد هو وعيالة عشان الشركة اللي كان شغال فيها اتباعت في الخصخصة

إيه يعني الحاج حسن قريبي اللي غرق في العبارة

إيه يعني اصحابي اللي عدي سنهم 30 سنة ولسة ولا أتجوزو ولا اشتغلوا شغلانة محترمة

إيه يعني خالتي بتجيب الانبوبة ب20 جنية والغاز بيروح إسرائيل بتراب الفلوس

إيه يعني العيال اللي عندها تخلف عقلي بسبب مستوي التعلم

أيه يعني ابن عمتي يموت من الدم المسرطن

إيه يعني جوز مرات خالي يجيلها سرطان من الخضار المرشوش مواد كيماوية منيلة بنيلة

إيه يعني جاري يصلي ويربي دقنة يروح امن الدولة يومين ينسي نفسة ويبدأ يشرب مخدرات

إيه يعني الاقي ناس مش لاقية تاكل وناس تانية بتسرق بالمليارات

وإيه يعني......


اسف يا محبي مبارك

اعتقد الاسباب السابقة كافية عشان اخد علي خطري منه

لأنه لو معملش كل اللي فات ده فهو مسؤل عنه بأي صورة بحكم انا كان رئيس الجمهورية

ومسؤل عن كل إنجاز من الانجازات السابقة

ايه ياعنى خلعتنى
العنوان اثارنى جدا وقبل ان اقرأ الموضوع تحفزت للمعركة كى اهاجم الاستاذ الفاضل/على محمد خليل كاتب المقال .وبعدما قرأت المقال خجلت من نفسى وكم انا مدين لهذا الكاتب بكل الاحترام لانه لم يترك كبيرة ولا صغيرة الا وقد ذكرها .وايه يعنى لما يخدعنا 30 سنة هو واعلامه ويقول انه صاحب الضربة الجوية الاولبى
على راى استاذنا
محمداحمدخليل( الشربينى الاقصرى)

بسم الله الرحمن الرحيم
كنت مثلك قد اثارنى عنوان الموضوع ولكنى سرعان ما تحول تحفزى الى اعجاب ، لا ادرى بأى عقل يهتف بعض المعميين وأصحاب العصابات السوداء ليقوا بغير استحياء (آسفين ياريس)
صحيح اللى اختشوا ماتوا .. احبك على ايه ولا على ايه ؟ والله انا مش عارف أزاى مش عارفين يا خدوا حق البلد من تلك الزمرة حتى الان ، وهناك من الاساليب والطرق ما لا يعد ولا يحصى لاستعادة هذه الاموال سواء كان بالتفاهم او بالقوة أو بالحيلة أو عن طريق اجهزة المخابرات العامة التى تستطيع بأساليبها أن تجلب لبن العصفور كما يقولون !! راجل هو واسرته وزمرته تحت ايدينا وكل ما استطاعوا أن يفعلوه به وبهم هو حجزهم فى زنازين يأكلون فيها ويشربون ومن الغم والهم الذى فى الخارج مرتاحين ، بينما اموالهم وتجاراتهم وعقاراتهم وخزائنهم ما تزال ممتلئة عن آخرها بأموال الشعب المنهوبة غصبا وقهرا وسطوة !! واظن أن المرء لو قدر له أن يخير بين الموت أو الفدية سوف يختار الفدية مهما بلغت قيمتها .. اليس كذلك ، لكننا فيما يبدو سنظل كثيرا نبكى على اللبن المسكوب دون أن نتحرك فعل أى شىء ايجابى ، أظن انه لو حدث ما حدث فى زمن عبد الناصر مثلا لكان كلف المخابرات بأحضار الهاربين فى صناديق الى مطار القاهرة فى غمضة عين .. والا المشاهد التى كنا نراها فى مسلسلات بطولات المخابرات كانت اساطير من الخيال ؟ لا لم تكن من الخيال وانما كانت حقيقة وهم قادرون لو ارادو أو لو طلب منهم أن يأتوا بهم فى غمضة عين .. والعوض على الله فى زمن قد ولى، كان فيه الرجال رجال وحب الاوطان كان فى صدورهم يمثل حقيقة لا خيــــــــــــــــــــــــــــــــــــــــــال .