محاوله شعريه من شاعر مغمور

بتقلى يا غيار
قلتلها ايوه بغير
لنا صدمان ولا كحيان
ولا زايغ من عينى الضى
ولا حد احسن منى فى شى
بس بغير
غرت الراجل نار فى مراجل
نار بتنور ولا تحرقش
واحنا صعايده منستحملش
وللى تخلى صعيدى يحبها يبقى يا غلبها
احنا ناس على كد الطيبه كلنا هيبه
والنسوان حدانا جواهر كيف الماس
طاب لو عندك حتة ماس
هتخليها مداس
ولا هتقفلى اوضه عليها
بمية ترباس
ويمكن تتأجرى ليها
جوز حراس
يبقى
لانا غافل ولا جاهل
كل الفرق ما بينى وبينك انى صعيدى
ينعل ابو دا اليوم لكحل
اللى ما ليه اول ولا آخر
اللى طلعت لقيتنى صعيدى
لو كان بيدى
كنت اعملك هندى بريِش
وانكش شعرى كنيش كرابيش
والبس ليكى سلسله وخرز وقلب
والبس سلسله ليه
هو انا كلب
كل المشكله عندك عندك
يعنى عنادك
قلت سيبها بكره تحس
بعده تحس بعده تحس
دنا لو جبس كنت نطقت
ماشى صداقه ماشى زماله
بس مجتشى ع الرجاله
مهى ستات الدنيا كتير
وانا مبقلش تسكنى دير
بس ياريت حبة تقدير
وتعرفى انى بحبك
وانى بريدك
بس بغير

ايه الموهبه الجامده دي يا محمد
انا بجد بحييك

الشاعر هشام الجخ هو صاحب القصيدة الاصلي

فقد شاهدته اليوم في برنامج صباح الخير يا مصر

وهو يلقي قصيدته بشكل رائع

كلمات جميلة

ولو إني ما أعرفش الراجل هشام الجخ ده بس بجد حلوة