منك لله سباده النائب

يا اخ عماد هذا منطق كل من يدخل المجلس ومن سوف يدخل يحاول خدمة نفسه وأبناؤه واقربائه بقدر المستطاع لانه يعلم جيدا ان هذه الفرصة التي هو فيها قد لا تتكرربسهولة وبالتالي يكون حريص علي خدمة نفسه لذلك نقترح شعار واحد لكل المرشحين من أجل نفسي رشحت نفسي وليس من اجلكم رشحت نفسي

لو نظرت الي خانة العمر علي جانب الصفحة ستعرف ان عمري 41 سنة
لم اعرف لجنتي الانتخابية ولم اهتم بالبحث
اول مرة ادلي بصوتي كانت لمندور
كنت مصر ان ادلي بصوتي ووقفت في طابور طويل
كان عندي امل
والله يا ريتني لا رحت ولا جيت ولا كنت ضيعت وقت بالكدب

يا جماعه لازم نحلل الإنتخابات تحليل موضوعى و أنا واحد ليا خبره فى الإنتخابات أكتر من 20 سنة لأنى قريب عضو مجلس شعب أنا صعبان عليا الحاج مدحت جدا لأنى شايف إنه هو صالح سالمان التانى لأنه فى شله حواليه عاوزة تقضى عليه زى ما قضت على صالح سالمان وعشان كده ياريت يرجع لعقله و يسيبه من حكاية الإنتخابات دى والله الكلام ده مش كرها فيه أو خوفا منه لكن حبا فيه .

بعدين لما نيجى نبص على دايرة زى دايرة دشنا و الوقف هنلاقى إنه الكرسى فيها عامل زى الدورى المصرى يا إما أهلى أو زمالك بمعنى إنها بتبقى محسومه فى عدد محدود من العائلات مش بيزيد عن 6 أو 7 عائلات كحد أقصى طبعا ممكن يكون فيه ناس هتستغرب كلامى ده بس تعالوا نستعرض الإنتخابات .

إنتخابات 1990 فايز و عبدالمنعم . إنتخابات 1995 فايز و مختار . إنتخابات 2000 فايز و كمال موسى إنتخابات 2005 طارق السباعى و مندور مع ملاحظة إنه سيناريو 1990 كالتالى فايز نجح من أول مرة مع إعادة بين مختار و عبدالمنعم إنتخابات 1995 إعادة بين فايز و مختار و عبدالمنعم و حسين الوكيل إنتخابات 2000 إعادة بين فايز و كمال موسى وحسين الوكيل و طارق السباعى إنتخابات 2005 إعادة بين فايز و كمال موسى وطارق السباعى و مندور حد لاحظ حاجه كمية التكرار بلاش هتلاحظوا إنه قبل 1990 كان فايز و عبدالمنعم و طارق السباعى و فؤاد أبوزيد هى دى دايرة دشنا

عارف إنه فيه ناس هتقول ده تبع حد بس المشكلة إنه كله باصص للصورة من بره ماحاولش إنه يدخل جوه الصورة هتقولوا إزاى زى ما كل واحد فينا مثلا فاكر إنه شغلانة التانى سهله فالواحد يقول يا فلان هو ده اللى إنت بتعمله صعب بس أول ما بيتحط فيه بيصرخ وما بيبقاش فاكر إنه الموضوع بالصعوبة دى و للأسف إنه كل اللى داخل فاكر نفسه هينجح من أول مرة لأنه الناس اللى بتلف على المنادر لما بتروح فطبعا اللى بيستقبلهم فى المندرة بيقولهم إحنا معاكم فبيطلع بيمسك ورقة و قلم و بيفضل يحسب و ده أكبر مثل عليه اللى حصل مع المرحوم صالح سالمان اللى فضل يدخل إنتخابات و يسقط و تاريخه إتمسح بسبب الناس اللى وراه للأسف مع إنه إنسان محترم و للأسف الحاج مدحت بيكرر نفس الخطأ

فى السطور اللى جايه هحلل الإنتخابات بدون أى تحيز :- أولا مقعد الفئات المنافسة محسومة بين 2 هما طارق السباعى و كمال موسى . مقعد الفلاحين المنافسة بين مندور ما تستغربوش مندور برضه ليه وزنه بغض النظر عن أى أحداث حصلتله فى الفترة الأخيرة و حسين فايز أبوالوفا و العقيد خالد الشاذلى و حسين الوكيل و لكن ممكن يضعفه إلى حد ما الأحداث الأخيرة اللى حصلت فى عيلته

معنى كلامى إنه محدش هينجح من أول مرة و تحليلى ده معناه برضه إنه أربعه من الستة اللى أنا قولتهم هيعيد . طيب طبعا كله هيقول كلامك ده على أى أساس هرد فى السطور التالية إشاء الله

1-طارق السباعى معملش التغيير اللى الناس كانت منتظراه منه و ده لأنه مش هو وحش بس ده الوضع اللى موجود فى الدولة و لكن مزاياه نظافة اليد و الدب الجم و عدم مناصبة العداء لقبائل العرب و ديه ميزه مهمه فى طارق السباعى بعكس أحمد مختار مثلا بمعنى إنه طارق السباعى الهوارى الذى لا يرفضه العرب كل اللى قلته ده إيجابياته أما السلبيات فهى مش فى شخصيته على الإطلاق فهو إنسان مهذب إلى أقصى الحدود السلبيات هتتمثل فى التالى إنه فئات و إنه العرب ممكن ما يسمحوش بتولى الهوارة لكرسيين و الأهم من كده مناصبة العداء من آل الوكيل و مرشحهم حسين الوكيل الذى فى خصومة دائمة مع طارق السباعى

2-كمال موسى شخصية تتمتع بالإحترام مزاياه العرب محتاجينه خصوصا إنه مندور فشل فى إنه يملى فراغ المرحوم فايز و كمال موسى بالنسبة للعرب فالعرب محتاجينه جدا إنسان مهذب و ليه كلمه مسموعه فى أوساط العرب خصوصا بعد وفاة المرحوم فايز وهو المنافس الأشرس على كرسى الفئات بس ياريت ما حدش ينسى إنه ما ينفعش ينجح 2 فئات بعكس العمال و الفلاحين ممكن الإتنين ينجحوا ودى من العيوب بالنسبة لكمال موسى العيب التانى إنه ما قدرش يتخطى صدمته فى الإنتخابات اللى فاتت بسرعه بعكس فايز الله يرحمه لأنه كان محنك عن كمال فده خلى كمال بعيد شوية عن الدايرة و العيب الأساسى إنه مقر سكنه الأساسى قنا وولاده مش متواجدين و ساندينه زى طارق السباعى فكل دى حاجات ممكن تضعفه

اللى عايز أقوله ومن خلال خبرتى المتواضع و تواجدى فى الإنتخابات من 1990 لغاية دلوقتى إنه النجاح عبارة عن توليفه متكاملة بمعنى إنه خدمات و قبليات و علاقات و خبره ه ه ه ه ه ه ه ه وبأكد على كلمة خبره دى جدا واللى بيحسم ده كله فى الآخر ذكاء المرشح وطريقة حسابه للأصوات و إمتى يرمى على فلان وبعدين يوقفه و يرجع يرمى عليه تانى و هكذا وعلشان كده ده كان ترشيحى لعدد 6 هيعيد منهم 4

و دلوقتى إتشاء الله هأبدأ فى تحليل الأربعه الفلاحين الأقوى فى الدائرة من وجهة نظرى المتواضعه

1-مندور إنسان محترم
إستقباله للناس زى الفل و مؤدب حتى من قبل ما يبقى نائب هنلاقى إن من إيجابياته الأدب و الإستقبال الكويس للناس و إنه عضو مجلس الشعب الحالى “ودى ميزه” و إنه حصل نوع من التعاطف معاه شويه من الصعايده و من ناس كتير بعد موضوع المركز وهياخد كتير فى الصعايده و فى العطيات و فى الغرب مجموع الأصوات دى يرشحه للإعادة طب دى ميزاته أما عيوبه معرفش يملا فراغ الحاج فايز بالنسبة للعرب معرفش يستغل الفراغ السياسى الموجود فى الدائرة و إنه يعمل قاعدة خدمات كان ممكن تخليه نائب لمدة 30 سنة قدام و بعدين الأهم من كده معملش 1% من اللى الناس كانت متوقعاه منه و أهم مثال على كده الوظايف فهنلاقى إنه عين ولاده كلهم تقريبا فى دورة واحدة و دى كانت غلطة عمره

2-حسين فايز
.مزاياه إبن الحاج فايز “الله يرحمه” ودى هو بيعتمد عليها جدا والميزه التانية إنه العرب عاوزين حد قوى ومندور زى ما قلت قبل كده ماعرفش يعمل كده
ليه رصيد خدمات معقول من خلال مجلس الشعب و شغله فيه وكمان من خلال تواجد إخواته و خصوصا كرم فى المركز بصفة مستمرة وعشان كده هيحصد أصوات كتير فى العزازية و فى العرب فى مناطق مختلفة وده وفاء للمرحوم والده
عيوبه إعتماده على والده ممكن ييجى بصورة عكسيه وبعدين نسبه لعبدالرحيم الغول نقطه ضده مش معاه على فكره و الأهم من ده طريقته و هو بيتكلم و هو ماشى فى الشارع تحسسك إنه فى قمة الغرور مع إنه طيب جدا ومشكلته الأساسية إنه مش فى ذكاء المرحوم أبوه الإنتخابى وحواليه مجموعة مش كويسه عايزه تهده بس للأسف هو مش فاهم ومن الحاجات اللى هتضعفه العقيد خالد الشاذلى اللى من عائلة الشاذلى و اللى العرب عاوزين حد منهم ينجح

3-حسين الوكيل

مزاياه ناس مؤدبين الناس بتحترهم لتعاملهم الكويس مع جميع الشخصيات خبره كبيره فى الإنتخابات بيلعب فى منطقة ملكه بالكامل مفيش حد بينزل قصاده فيها و دى مش متوفرة غير فى إتنين هوه و طارق السباعى و علشان كده فى 95 واحد عاد منهم و فى 2000 الموضوع إتكرر فعلشان كده معاه أصوات كتير هيقدر يبادل بيها و الميزه طبعا المهمه إنه فلاح يعنى صوته هيمشى مع أى حد تانى طيب دى مزاياه أما بالنسبة للحاجات اللى ممكن تضعفه كالتالى إنه هوارى و زى ما قلت قبل كده إنه صعب العرب يسمحوا بكرسى تانى لهوارة فى الدايرة و الحاجة التانية خلافه مع طارق السباعى المستمر و مناصبتهم العداء لبعضهم البعض

4-العقيد خالد الشاذلى
مزاياه إنتمائه لعائلة الشاذلى المحبوبة من قبل العرب و من قبل ناس كتير و نزوله بصفة فلاح ده بيدعمه لأنه بكده صوته هيمشى مع أى حد و عنده زى ما بيقولوا الكاريزما اللى تخلى الناس بتحبه عنده دهاء إنتخابى إستمده من قربه من المرحوم فايز فهو جوز بنته و إبن أخته ففهم اللعبه إلى حد كبير من مزاياه إنه ضابط شرطه يعنى خدماته كتير و قوة شخصيته و إنه بيعرف يكسب الناس هياخد أصوات فى العزازية و فى نجع عزوز و فى الشيخ على و فى بعض المناطق فى الغرب و فى جزء من الخولا وصفارة و بقبول جزء كما إنه مقبول من المسيحيين أكتر من حسين فايز اللى نسبه للغول نقطة ضعف فى الجزئية دى و فى شباب كتير بتحبه طيب دى نقاط قوته أما نقاط ضعفه إنقسام عائلة الشاذلى حواليه تفتت الأصوات فى العزازية المعقل الرئيسى بالنسبة له

معنى كلامى اللى فات إنه فيه أربعه من الستة اللى انا قلت عليهم هيعيد بس فيه جزئية مش عاوز كله يكون فاهمها إنه الناس اللى قدمت ورقها فى الحزب من السته اللى قولتهم 3 هما مندور وحسين فايز و طارق السباعى معنى ده إنه إحتمالات نزول طارق الحزب 99% و الفردة التانية إما مندور أو حسين فايز و ده برضه معناه إنه لو الحزب ما رشحش حسين فايز على قائمته فده بيصب فى مصلحة العقيد خالد الشاذلى لأنه ساعتها العرب هيبقى قدامهم واحد بس من عائلة الشاذلى أما فى حالة نزول حسين فايز على قائمة الحزب فده هيضر أكتر واحد العقيد خالد الشاذلى بس على فكرة موضوع الحزب مش موضوع مؤثر قوى فى الإنتخابات زى ما الناس فاكرة

تحليلات مش هينة واضح من كلماتها أن صاحبها لديه خبرة بالدائرة وأهلها

الاخ هشام
كلامك جميل وواقعى جدا بس ممكن سؤال
بالنسبه للمرحوم صالح سالمان هل كانت الانتخابات فى عهده نزيهه ؟

الإنتخابات تعتبر نزيهه فى 2000 و 2005 فقط و لكن ما المقصود بكلمة نزيهه بالظبط

سيدى الفاضل فى 1990 نجح واحد مستقل هو اللواء عبدالمنعم عوض "ربنا يشفيه" و فى 1995 نجح 2 مستقلين المرحوم فايز و المرحوم مختار و فى 2000 نجح واحد مستقل هو الحاج كمال موسى و فى 2005 نجح 2 مستقلين مندور و طارق السباعى طبعا اللى هيسمع الكلام ده هيقول ياه على النزاهه بس للأسف مفيش نزاهه فى الإنتخابات فى دايرة دشنا و الوقف و لا هيكون حتى لو تحت إشراف قضائى بنسبة 100 % زى سنة 2000 و 2005 عارف ليه حضرتك علشان القبلية بمعنى إنه كام واحد فى دشنا بيروح ينتخب واحد علشان هو الأصلح النسبة الأكبر بتروح تنتخب القبلية و الإتفاقيات مع كبار العائلات بمعنى الصندوق بتاع عيلة كذا هيدى فلان و فلان و بكده عمرها ما تكون نزيهه

والمرحوم صالح خاض إنتخابات 2005 و ما قدرش حتى إنه يدخل الإعادة وده مش إنتقاص من قدره لا سمح الله بس زى ما قلت قبل كده عن دايرة دشنا و الوقف و التقسيم الغريب للأصوات اللى أنا شرحته من وجهة نظرى بالنسبة للمرشحين الستة الأقوى تفتكر المرشح فى دشنا الأغلبية اللى هتنتخب هتقيمه إزاى أقولك عن طريق الخدمات يعنى واحد إتمسك على قهوة راح المرشح طلعه واحد كان ليه مشكلة وخناقة فى المركز راح المرشح طلعه عيلتين فى دم بينهم يروح المرشح يخلصه هى دى للأسف معايير إختيار المرشح فى دايرة زى دايرتنا

عارفين ياخونا انكم مش ملاحظين حاجة انه كل مايكون مرشحين البلد اكتر هتتفرق الاصوات عليهم مثلا الصعايدة فيها اربعة والعزازية فيها ثلالثة وكل واحد فيهم ليه وضعه وسط اهله علشان كده هاقولكم ومتزعلوش مني اني الكرسيين بره دشنا وللارياف

استمتعت جدا بكلامك ولكن يااخى المرحوم صالح علم من اعلام دشنا ومش معنى عدم نجاحه فى الانتخابات انه لم يحصل على اصوات ولعلمك وانت استاذنا مش الاصوات بس هى الفيصل والا بماذا تفسر عدم نجاح اللواء عبدالمنعم هذا الرجل الاسطوره او المرحوم فايز الذى احبه خصومه قبل اصدقاؤه اخى هشام هناك حسابات اخرى واظن انت فاهمنى
اهلا وسهلا بيك
مستر راضى