كيف تعرف المصري ؟؟

كيف تعرف المصرى؟


كيف تعرف المصرى؟

المصرى هو أللى:

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجى بعد معاده بساعتين ويفتكر إن ده عادى

- لسه عنده إصرار إنه يتكلم بصوت عالي في التليفون لما تكون المكالمة دولية عشان التانى يسمعه

- بيعتبر نفسه أفض ل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشترى قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة فى العيد

- بيشيل طابع البريد من على الظرف لو الختم ماكانش عليه


- بيفتكر إن أي حد بيشتغل في الخليج بيغرف فلوس من غير حساب


- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع ال حساب بحرارة شديدة على إنه هو اللي لازم يدفع


- بيفرش ملاية سرير على طقم الأنتريه عشان يفضل نضيف لما ييجى ضيوف ومابيشيلهاش لما ييجوا


- والأهم إنه اللي بيحب يسخر من نفسه ومن بلده وحكامه بس مايطيقش حد تانى يسخر منهم .

- بيفتكر إن أي حد بيشتغل في الخليج بيغرف فلوس من غير حساب

حلوه بجد يايمن
وكلها حجات حقيقيه وموجوده
بارك الله فيك
بجد موضوع جميل

أولا أشكر المسافر على مروره الكريم

وعاوز أقولك المصري في الغربة اليومين دول بس اللي حاله أصبح ما يسرش

إنما زمان كان المصري جدعنة ورجولة ومضرب المثل

أما الأخ الجميل الغالي أحمد صالح

بتسعدني في وجودك في أي موضوع ليا

ربنا يزيد الوصال بينا

شوف يا أحمد أنا ليا مقولة دايما بقولها لأصدقائي

تحسبها صح تلاقي كل الناس متساوون في العطاء

اللي بياخد الفلوس بياخد غربة وبعد عن بيته

وده شئ مش سهل