ايه اللى جابك هنا

موضوع: ايه اللى جابك هنا 08/07/10, 02:45 pm

بما انك قاري الكلمتين دول يبقى انت اكيد قاعد ع النت
ايه اللي جابك عالم المنتديات؟

وبما اني لا بعرف اجامل ولا ازوق الحوارات ها احكيلكوا تجارب شخصية و عامة
في ناس بتيجي هنا عشان عاوزة تتكلم مع حد ما يعرفهاش وبس
عشان تقول كل حاجه بحرية لأنهم في الحياة اقوياء وصعب يضعفوا او يفضفضوا
انا جزء مني من الناس دول
ناس تانية بتدور على عريس؟ و دا بجد فعلا
ناس تالتة بتدور على بنات والسلام
غيرهم بيدور على حد يتخانق معاه عشان يفرغ توتر الحياة
ناس يتحب الظهور ايا ماكان بالعلم او بالحق او بالباطل
ناس ليها اهداف وعاوزة تنشرها سواء صح او غلط

الغريب جدا بقى
ان رغم ان عالمنا هنا هلامي التكوين و فضائي المساحة يعني لا بلدان و لا جنسيات و ذكر ولا انثى
من عقل ل عقل ومن غريزة الى غريزة
الا انه اختلط بواقعنا بطريقة مرعبة
اتذكر في اوقات كتير ما كنتش انام عشان موضوع عاجبني ع النت؟
او اروح بدري عشان اتابع مين قال ايه
او اتحجج بكلمة او حكمة او تجربة حد من ع النت مع انها ممكن تكون كذبة طويلة عريضة
لكن انا صدقتها

انت مين في دول
واكتر حاجة عاجباك في النت ايه واكتر حاجة واجعاك ايه
ولييييييييييه وجعتك؟ ما احنا كلنا مجرد حرووووووووووووف ع الهوا؟

موضوع: رد: ايه اللى جابك هنا 08/07/10, 07:57 pm

اولا اشكر الاخت/ بنت بلادى
ثانيا:اكتر حاجة عجبانى فى النت هو منتدى هنا دشنا
وهو اول من احببنى فى النت هو وجميع الاعضاء الى فيه
هنالك من يسأل فى نفسه
ايه الى عاجبك فى هنا دشنا ما فى مواقع كتير
ومنتديات؛وشات وغيرها
الى عجبنى فى هذا المنتدى
انظر الى عنوان هذا المنتدى
ستجد اسم دشنا
دشنا الحبيبة
وهدفنا الوحيد هو رفع اسم دشنا فى السماء
لان بيها شباب جيد
ويدرك معنى استخدام الانترنت
ولما كان هدفنا ان نقدم قاعدة بيانات تسهل من عملية الانصال بين ابناء البلد
حاولنا بشتي الطرق الحفاظ علي مكانة هذا المنتدي بان يكون معبر عن حال بلدنا الحبيب
لم ولن تؤثر اية اهواء شخصية علي شكل سير المنتدي
لانه اول منتدى فى دشنا يغطى جميع احداث دشنا فى الداخل والخارج بفضل شبابها
فاننى لست ادخل الانترنت للتعارف او للزواج او غيرهما
لان كله كلام فاضي
فهدفى الوحيد هو هذا المنتدى
منتدى هنا دشنا
وانتظرونا فى الا يام القادمة
فى تغطيه كاملة عن دشنا
فقط وحصريا على
منتدى هنا دشنا

موضوع: رد: ايه اللى جابك هنا 08/07/10, 11:07 pm

التعارف المحترم مع الاخرين نعمة كبيرة قد يتحقق هذا من خلال صفحات المنتدي
لذا تلاحظون جميعا ان خدمة ارسال الرسائل علي الخاص مفتوحة للجميع ودون وضع تقيد بعدد المساهمات مثل بعض المنتديات

وأنا في وجهة نظري الشخصية أشعر ان المنتدي هو تجمع لافراد يجلسون مع بعض سويا وكل من لديه فكرة يطرحها ويناقشه فيها الاخرين , وقد يصاب بالملل اي فردا في هذا التجمع ويبتعد ثم يعود وقد يري اخر ان هذا التجمع لم يعد مناسب له فله الحق ان ينصرف بكل هدوء فالمنتدي يحقق ذلك كنوع من الحرية بتشغيل خدمة حذف العضو لحسابه
ومتي يشاء العودة فأهلا ومرحبا به

وكأني من اكثر الناس كسبا من هذا التجمع عندما اشعر بروح الود والمحبة تظهر في ردودنا
والسعادة كلها عندما يبعث لي احد الاعضاء ويسألني اذ غاب عنا اي عضو من الذين اعتدنا تواجدهم عن سبب تغيبه

وقيمة كبيرة تستحق الحفاظ عليها وهي ان المنتدي يعتبر حلقة وصل للكثير من الغتربين عن بلدنا الحبيب

وشكرا للاخت بنت بلادي لهذا الموضع الذي اعتبره من اجمل مواضيع الفترة الاخيرة

و بتمني ان كل واحد يسأل نفسه
هو انت ليه بتدخل المنتدي؟؟

موضوع: رد: ايه اللى جابك هنا 09/07/10, 09:54 pm

الاستاذ على محمد خليل
الاستاذ محمد حجاج
اسعدنى مروركم
واسعدتنى كلماتكم الرائعة
وكم اتمنى مشاركة باقى الاعضاءوالتفاعل مع الموضوعات

موضوع: رد: ايه اللى جابك هنا 10/07/10, 01:57 pm

اللي جابني هنا الغربه والحاجه الي التواصل مع اي حاجه من ريحة دشنا

موضوع: رد: ايه اللى جابك هنا 10/07/10, 07:08 pm

اللى جابنى هنا الصحبة الحلوة
وانى فاضى
وانى بحب دشنا قوى

موضوع: رد: ايه اللى جابك هنا 10/07/10, 10:54 pm

الدكتور احمد حسن اسعدنى مرورك كثيرا
الاستاذ محمدالزعيم كم هو جميل تعليقك

موضوع: رد: ايه اللى جابك هنا 10/07/10, 11:10 pm

بنت بلادى
اريد الاجابة منك اولا
انتى مـيـــــــــــن فى دول
تقبلى مرورى

موضوع: رد: ايه اللى جابك هنا 11/07/10, 09:26 am

اللي جابني هنا هو الرغبة في التمتع بمعرفة وصحبة شباب دشنا الواعد والتعرف علي كل احوال دشنا عن قرب من خلال هذا المنتدي الجميل

موضوع: رد: ايه اللى جابك هنا 11/07/10, 10:10 am

الاستاذ محمد احمد عبدالله

انا قولت فى بداية حديثى ان هناك ناس بتيجى هناعشان تقول كل حاجه بحرية
لأنهم في الحياة اقوياء وصعب يضعفوا او يفضفضوا انا جزء مني من الناس دول

ارجوا ان يكون قد وصلك ردى

الاستاذ عماد شكرا جزيلا على مرورك الكريم

موضوع: رد: ايه اللى جابك هنا 11/07/10, 12:01 pm

انا اللى جابنى هنا تبادل الفكر والآراء والصحبة الطيبة
وتكوين صداقات جديدة وفرصة ان الواحد يلاقى ناس تسمعه
وبينى وبينكم قتل الملل اللى احنا عايشين فيه
احنا هنا فى دشنا مش لاقين مكان نروح له
الترفيه الوحيد فى البلد هو الجلوس على المقهى
وانا لا احبذ الجلوس على المقاهى

موضوع: رد: ايه اللى جابك هنا 11/07/10, 08:52 pm

اللي جابني هنا
1- معرفة افكار بعض من شباب بلدي
ولاني لظروف خاصه لم اكن ادخل معهم في نقاش فكري
فكنت اني لا اعرف عن شباب بلدي اي شئ
فاشتركت في هذا المنتدي للتعرف علي بعض افكار شباب بلدي
وطموحاتهم في المستقبل بالنسبة لدشنا
2- التحدث بصراحة وصدق عن كل مايدور بين اهالي دشنا من اشياء جيده او سيئة
ومحاولة تغيير الاشياء السيئة والاستفادة من الاشياء الجيدة
وده اللي جانبي هنا

» اللى مالوش بطن
» اللى زهقان بس يدخل
» اللى يعرف بدوى العنانى يشكره نيابة عنى
» من الشيف العالمى اللى النائب ناجى شمندى
» تحية من القلب اللى الاستاز المهندس محمد حجاج مدير المنتدى