خربانه ... خربانه

في ايه ياخي اتحرك اعمل حاجه كفاية قرف انا اعصابي تعبت ,, ناوي تترشح وتنجح ونقلك يا ريس ولا ايه ظروفك , اذا كنت ناوي خلصنا وريحنا و زفتنا وفرحنا و ولع فينا و احبسنا و موتنا وحسسنا أنه في أمل , عايز ايه ولا انت مش عايز حاجه ,هو انت كداب ولا صادق , هو انت كويس ولا مش كويس , هو انت تنفع تبقي رئيس ولا لاء , هو انت هتحبس احمد عز لو نجحت و كمال الشاذللي تعدمه في ميدان عام ولا هتعملهم حكومتك , ولا اقولك انا أولع في نفسي علشان تتبسط انت يا برادعي وحمدي افندي واد قنديل , ولا عبدالرحمن افندي متصرفش ليه ولم الناس حوليك , هو في حد بيعرف يتكلم زيه ولا في شعب زينا بيصدق اي حاجه يسمعها
ولا اقولك نفض بلا انتخابات بلا بتاع , سيبها خليها زي ما هي مصر المقروفة
ثم انت مين قلك تعالي اترشح , والله انا خايف تكون متفق مع الحكومة وكلها افلام
وثم ليه احنا شعب الدنيا كلها شيفاه رخيص واحنا شايفين نفسنا اسياد العالم , هو انت رخيص ولا غالي يا برادعي
ولا اقولك اعمل اللي تعمله انا مالي يحسن ممكن يرحلوني من السعودية وانت مش
هتنفعني في حاجة

لا , ينعل ابو الفلوس يرحلوني .. مفيش مشكلة بس انت شد حيلك
واعمل حاجه
اعمل حاجه
حتي اضحك علينا وضحكنا معاك
ما هي خربانه خربانه

خليك متفائل يا ابو حجاج واصبر ان الله مع الصابرين وذي ما قلت الراجل ده مخلص ولا تنقصه مناصب هو اللي هيضيف للمنصب مش العكس و ا حنا اللي يهمنا في الاول والاخر التغيير بغض النظر من اللي هيجي عشان تبقي سنه

روق يا محمد
الدنيا ما تسوي جناح بعوضه عند رب العباد
ولو كانت تسوي ما كان اطعم منها كافر
ما علينا الا الدعاء ان يصلح لنا الله دنيانا واخرتنا
ويوفق كل من له النيه الخالصه للقيام علي خدمه الناس

استاذ احمد صالح ممكن تراجعني في مقولتك
..ما علينا الا الدعاء ان يصلح لنا الله دنيانا واخرتنا ..
يعني الفرد منا يفضل يدعي فقط ؟؟؟

لا يا صديقي الغالي
بس لا ننكب علي ان يكون شغلنا الشاغل ما اتلفه غيرنا
وننسي واجبنا تجاه ديننا
كان رسول الله صلي الله عليه وسلم يدعو فيقول
اللهم لا تجعل الدنيا اكبر همنا ولا مبلغ علمنا ولا الا النار مصيرنا

ومن هذا المنطلق فان سلبيات الحياه كثيره ومتعدده ومتشعبه
ولو نتفكر في كل ما يحيط بنا من مشاكل لا حصر لها ولا عد
فاننا سنفني اعمارنا في هذا الامر
وما وصل به الحال في بلادنا
من تدني في كل شيء لا يمكن ان يجهله احد
فانا قولت ذالك الكلام وانت صديق عزيز علي قلبي ونحن في تواصل مستمر
انما قلته مشفقا عليك
ففي هذه الحاله وكل احوالنا
نلجا الا الله لانه ادري بحالنا
وننكب علي انفسنا
وندع لهؤلاء ان يحاسبهم الله
وان يصلح احوالنا وابنائنا وان ينشئهم علي طاعته
في وقتها تاكد تماما بعد ذالك ان رب العباد سبحانه وتعالي
سيصلح لنا دنيانا وبصلاح الدنيا واستقامه العيش فيها
والبعد عن الرشاوي والربا والظلم والغيبه والنميمه وغير ذالك من الاثام التي يفعلها ابن ادم كل يوم
سيكون ذالك الطريق هو ما يؤدي الي صلاح اخرتنا
ارجو ان اكون قد اوجزت فيما اردت ان اقول
وتقبل تحياتي يا ايها الاخ والصديق الغالي الي قلبي دائما