شهادة حق احاسب عليهاامام الله صلاح رسلان

لقد فكرت كثيرا قبل ان اكتب هذا الموضوع وبعد ان قررت ان اكتبه فكرت فى المكان الذى اكتبه فيه فوجدت افضل مكان له بين نخبه من شباب دشنا المثقف الواعى فقررت ان اكتبه هنا وكان الدافع لكتابتى له ان قرات فى احد الموضوعات عن الترشيح لمجلس الشورى وذكر بيان باسماء المرشحين وتساؤل من احد الاعضاء استوقفنى حيث سال احد الاعضاء من اولى المرشحين وافضلهم وسينجح فى الانتخابات ؟ طبعا وددت ان اجيب عليه بانه ليس شرطا ان ينجح اولى وافضل المرشحين لان الامر بيد الحزب والحكومه والناس نيام وفى غفله فسيتخذوا موقفا سلبيا كالعاده ويمتنعوا عن الادلاء باصواتهم بحجة انها ستسود وسيتركون المجال لرجال الحزب حتى يختاروا مرشحيهم وايضا استوقفنى سؤالا اخر عن التغيير والتبديل والبرنامج الانتخابى واردت ان اشهد شهادة حق لاحد المرشحين من باب ولا تكتموا الشهاده هذا المرشح لا يمت لى باى صله لا قرابه ولا نسب ولا قبيله ولا عصب الا فقط المعرفه والصله التى لا تصل الى درجة الصداقه هذا المرشح فى بداية ترشيحه اراد ان ينظم مؤتمرا موسعا ويطرح الفى وظيفه لاهالى الدائره وعرض كل خدماته قبل ان يفتح باب الترشيح ولكن هناك تعليمات عليا منعت هذا المؤتمر حتى لا يعوق اعما ل الحزب ويتهمه بالتقصير وحتى لا يسطع نجمه فى الافق ويغطى على الحزب هذا المرشح زارنى فى مكتبى فى القاهره كابن بلدى وذرته فى مكتبه فى القاهره ايضا فماذا وجدت وجدت رجلا قد بسط الله له الرزق والسمعه الطيبه والحب لفقراء الناس ومرضاهم وجدت رجلا لديه ما يزيد عن عشرين شابا يعملون معه فى مكتبه ولكل شاب اختصاص معين فمثلا احدهم مختص بخدمات اهل البلد فى القوات المسلحه ياخذ منك بيانات من تريد نقله او التوصيه عليه من المجندين واخر مختص بالمجالس الطبيه المتخصصه ياخذ منك بيانات من تريد علاجه على نفقة الدوله واخر مختص بالاجهزه التعويضيه ياخذ منك بيانات ومقاسات اى انسان معاق حتى يصرف له جهاز علما بان ثمن الجهاز اربعين الف جنيها يصرف بالمجان واخر مختص بالتعيينات وكان من ضمن نشاط هذا الرجل ان اخذ توريد العماله والموظفين لمجموعه شركات مثل ماجدونالز وكنتاكى وغيرها فى كل افرعها داخل مصر وفى دولة الامارات والكويت وايضا مجموعه شركات اخرى فى الامارات والكويت لدرجة انه قال لى لو لديك اى احد تريد سفره للامارات او الكويت تذاكر السفر والاقامه والماكل على الشركه ولا يدفع سوى مواصلاته الى المطار فقط وايضا تعيين بعقود فى الحكومه وايضا خدماته فى كل مكان ورايت فى مكتبه الذى هو عوامه كبيره جدا بالعجوزه فى مقابل فندق ام كلثوم بشارع ابى الفدا بالزمالك علية القوم يطلبون خدمات ويعرضون عليه خدمات ولم يقصر مع احد ممن طرق بابه وقد اخذنى الفضول ان اسال هل هذا الامر جديد عليه لاجل الانتخابات ام ان هذا طبعه فاخبرنى الجميع ان هذا الرجل طبعه حب الناس وحب الفقراء والمرضى والضعفاء ففكرت فى نفسى وقلت نعم لان خدماته كلها تنصب على المجندين والفقراء فى تعيينهم والمرضى فى توفير علاج على نفقة الدوله والمعاقين فى توفير الاجهزه التعويضيه لهم وهذا لا يعنى انه لا يستطيع ان يقدم خدمات اكثر من ذلك لاننى فى مكتبه قابلت كبار موظفي الدوله من رؤساء مجالس اداره لبنوك ورؤساء هيئات ممن على درجة وزير وايضا طبيعه عمله جعلت علاقه قويه جدا بينه وبين كبار قادة الجيش والشرطه والسياحه وعندما سالته عن سبب ترشيحه رغم انه لا يحتاج لهذا الصداع اخبرنى بانه يريد ان يوسع مجال خدماته مع اهل الصعيد عموما واهل الدائره خصوصا ويريد تعيينات على مستوى اعلى للشباب ويريد ان يجعل مكتبه مفتوح لكل خدمات الصعيد وفى كل المجالات وهذا لا يتحقق الا بالكارنيه ابو قبه كما يسمونه والغريب اننى عندما سالته عن عمره اخبرنى بان عمره خمس وثلاثون سنه بمعنى ان الرجل يتمتع بذكاء وقوة شخصيه يضفى عليه عمرا ضعف عمره اردت ان اذكر ما رايته بعينى راسى شهادة حق احاسب عليها امام الله وحتى لا يكون هذا من باب الدعايه له فلا اذكر اسمه بينكم لاسباب كثيره ان كل المرشحين او اغلبهم تربطنى بهم علاقه قرابه او صداقه او نسب الا هو فقط فلا تربطنى به اى علاقه سوى الصحبه فقط والحب والاحترام لهذا الرجل الذى اتمنى ان يمن الله على دشنا ونجع حمادى بنجاحه وان اردتم ان اذكر اسمه لكم فساذكره ولكن بعد نتيجة المجمع الانتخابى واحب ان اذكركم بشيء هام ان المجمع الانتخابى الذى كان يوم الجمعه الماضيه ستظهر نتيجته خلال ساعات وان الحكومه ستنجح مرشحها قبلتم ام ابيتم فستذكرون ما اقول لكم وافوض امرى الى الله ان الله بصير بالعباد

اولا وحشنا جدا تواجدك يا سيادة المستشار
والناس اللي كانت بتسألني عليك كنت بقلهم انك مشغول في عملك القضائي ,
اما بالنسبة لموضوعك هذا فحضرتك وضحت في بداية العنوان انها شهادة حق لله
فطالما هي كذلك يرجي ان توضح لنا من هو هذا الرجل ومن يحزنه ذلك فليذهب ليلعب بعيدا
وهل هو يتمني ان ينضم للحزب الوثني كما تسميه
مع العلم انه انا لو اخويا مترشح وينوي او بيفكر انه يسلم مجرد سلام علي احد اعضاء الحزب الوطني هكون ضده واعتبره بمثابة عار و جهل

وانت والله وحشنى جدا وانا اسف فعلا والله كنت مشغول الايام الماضيه بس انا معاكم ان شاء الله على طول

اما بالنسبه للراجل ده فهو فعلا زى ما انا بقول عليه واللى يعرفه من قرب يقولك الكلام نفسه ولكن الناس بتقول عليه رجل اعمال ومعاه فلوس بس اقسملك بالله انه مستحيل يصرف على الانتخابات ولا يدفع فيها مليم احمر لانه قال انه اللى عايز منى فلوس انا مش عايزه واللى عايز خدمات انا خدامه وبعين على فكره انت يا محمد بتقول قدم فى الحزب ولا لا طبعا قدم فى الحزب لانه المستقل مع الاسف بيكون فى الدوره دى موقفه بيكون ضعيف مهما كان حب الناس فيه ومهما كان مطلوب من الناس ولكن الكلمه الاخيره للحزب وهو لو الحزب ما اخدهوش مش حيقدر يترشح لانهم وقعوا على تعهد للحزب وعملوا توكيل بكده يعنى حركه رهيبه من الحزب حشرحالك فى موضوع تانى لانهم عايزين يصفوا الاقوياء وميخلوهمش قدام الحزب وموضوع كده عمله الحزب وسياسه اتعلموها فى الشعب الغلبان الغافل شكرا يا محمد على ردك وسلامى لكل اللى عندك

منقذ الشباب
نرجوا التوظيف

الأخ الفاضل سيادة المستشار صلاح رسلان طال غيابك علينا
وانت عارف ان وجودك ده شرف لينا كلنا
نأمل من الله التواصل الدائم
ومتحرمناش من حديثك الشائق
وكتاباتك المتميزه
وفكرك الراقى
لك منى كل التحيه والتقدير

المشاغب كتب:: حسبى الله ونعم الوكيل

,وما ظلمهم الله ولكن كانوا انفسهم يظلمون

مصطفى حسن عوض كتب:: منقذ الشباب
نرجوا التوظيف

ربنا يولى من يعدل وينقذ الشباب وبعدين بيت البرلمان يحتاج توظيف من حد برضه دا انتوا اللى توظفوا الناس كلها انا بتكلم ع الغلابه ياباشا اللى ملهمش حد يوظفهم

محمد عباس كتب:: الأخ الفاضل سيادة المستشار صلاح رسلان طال غيابك علينا
وانت عارف ان وجودك ده شرف لينا كلنا
نأمل من الله التواصل الدائم
ومتحرمناش من حديثك الشائق
وكتاباتك المتميزه
وفكرك الراقى
لك منى كل التحيه والتقدير

شكرا يا استاذ محمد والله انت راجل فاضل وانا بعتز بيك وكان نفسى اشوفك فى فرح حسين فؤاد بس مع الاسف انا سافرت قبله باسبوع كده بس عملت الواجب معاه وضربت نار كمان هناك فى نجع ابو الحمد فى شقته واعتذرتله على عدم حضورى وع العموم انا حنتظرك لما تنزل القاهره ان شاء الله على فكره انا مش بعمل دعايه لحد لانه خلاص الموضوع مش محتاج دعايه لانه اللى حيجيبو الحزب هو اللى حينجح بدون كلام انا بس حبيت انقل لاخوانى صوره رايتها بعينى وهو فعلا ممكن يكون منقذ الشباب لانه اللى بيعمله الان وهو خارج المجلس عجزت نواب قدامى انها تعمله وربنا يولى من يصلح والامل فى الشباب امثال ناجى شمندى وهذا الرجل او غير هذا الرجل ان كان فيه خير لابناء دائرته

سيادة المستشار
والله احنا من الناس الغلابة
ويارب يجعلنا دايما من الناس الغلابة
بس انا ليا طلب عند حضرتك ممكن تعرفنا أكتر بهذا الرجل الفاضل
وطلب آخر نتيجة المجمع الانتخابى
وشكرا سيادة المستشار

شكرا يا استاذ مصطفى على تواضعكم وحسن خطابكم وهذا ان دل فانما يدل على التربيه الطيبه والمنبع العريق اما عن هذا الرجل فمن الممكن ان اذكر اسمه بعد المجمع الانتخابى سواء وفق فيه ام لم يوفق ونتيجة المجمع الانتخابى كان مزمع اذاعتها يوم الخميس غدا ولكن من الممكن ان تتاخر الى السبت والله اعلم وعندما تظهر ساخبرك بها ان شاء الله وبكل الاسماء التى اختارها الحزب وفق الله الجميع لما فيه الخير والفلاح لهذه الامه ولهذا الشعب الكادح

ربنا يهدي

كرم عبدالمنعم عوض بدء في تعليق الصور والدعايه وباذن الله هايخدها

ان شاء الله

والله سواء الاخ كرم او الحاج عبد الوهاب او الحاج سيد الشريف او احمد مختار او اللوا محمد عبد الراضى او الدكتور السنبسى او او غيره انا عن نفسى مش عايز غير مصلحة البلد ولا اتعصب لاحد بعينه لانى ولله الحمد اخر واحد يطلب من نائب خدمه وبعدين ربنا يولى من هو اصلح وانا والله مره تانيه لا بتعصب لحد ولا بذكر اسم للراجل اللى بتكلم عنه وكل اللى اقوله انه بعد نتيجة المجمع انا حقول على اسمه لانه لو اتاخد فى المجمع حينجح رغم انف اى حد لانه الحكومه اللى حتنجه والحزب ودول يد عليا لا طاقة لاحد بهما ولو لم يوفق فى الحزب يبقى خلاص كده مش حيقدر يترشح وفى كلتا الحالتين انا حقول على اسمه لهدف واهد انه لو حد يعرف انسان مريض عايز مساعده علاج او معاق عايز جهاز تعويضى او مجند عايز يتنقل من وحدته او مدرسه عايزه دعم كندى او جمعيه خيريه عايزه دعم او شاب عايز يتعين اوا او او او يبقى يقولى انا وانا المسؤل عن تلبية الخدمه وانا بكرر الكلام ده بعد ظهور نتيجة المجمع او ممكن بعد ظهور نتيجة الانتخابات عموما سواء وفق او لم يوفق عشان اتجنب تهمة الدعايه له كمان لانه مش منتظرها عشان الخدمات هو خدماته موجوده لاهالى بلده قبل كده بس يمكن انتم متعرفهوش عشان مش من مركزنا ومحدش ليه اختلاط بيه اما بالنسبه للاخ المشاغب بيقول ايه ضمنى انه بعد ما ينجح لا يا استاذى هو الراجل مستعد للخدمات دى كلها قبل الترشيح وحتى لو لم يوفق برضه على فكره انا يا اخوانى اخر واحد ممكن اعمل دعايه لحد عن طريق المنتدى المحترم ده لانى لو عايز اعمل دعايه وعايز اقف مع واحد بعينه ممكن الاخ ناجى شمندى عارف طريقتى ازاى وبعدين انا ممكن اروح معاه للناس فى بيوتها وفى ساحاتها لانه اللى بيزمر مش بيدارى شنبه زى ما بيقولوا وانا لو عملت دعايه لواحد زى ده فانا اتشرف بيه لانه رغم حداثة سنه الا انه اثبت نجاح باهر فى حياته بالاضافه الى انه مش بيفكر ياخد ودايما بيعطى ومش حرامى ولا مرتشى ولا بيبيع تاشيرات زى الاخ جناب الكومندا ما بيقول المهم ربنا يكرم اى واحد فيهم تكون نيته خير وانا برضه اطلعت على الظاهر ومشفتش باطنه لان الباطن يعلمه علام الغيوب ويمكن اى واحد من الاخوه المرشحين يكون باطنه افضله ونيته احسن فيفقه الله ولله الامر من قبل ومن بعد

الاخ الفاضل جناب الكومندا المهم
ردا على سؤالك بشقيه الاول فيما يخص الحاج عبد الوهاب ده راجل محترم جدا وخدوم وابن بلد ومحبوب مع الناس وانا بحترمه جدا واتمنى انه ربنا يوفقه اما فيما يخص ثروة سيد الشريف فانا لدى اجابات كثيره لهذا السؤال منها مثلا قوله تعالى ان الله يبسط الرزق لمن يشاء ويقدر ومنها قوله تعالى حكايه على قارون واتيناه من الكنوز ما ان مفاتحه لتنؤ بالعصبة اولى القوه وايضا فان السعه فى الرزق لا تكون الا بتوفيق الله وفضله ولا يشترط فيها صلاح العبد او فساده فقد ملك الارض اربعه اثنان مسلمين واثنان كافرين فالنمرود وبختنصر كانا كافرين وسليمان وذى القرنين كانا مسلمين وقد اعطى الله المال لعبد الرحمن بن عوف واعطاه لقارون
واما الاجابه الثانيه فان مصدر ثروته يعرفه جهاز المدعى العام الاشتراكى او الكسب غير المشروع فمن الممكن ان ترجع الى الاخير لان الاول الغى منذ سنه تقريبا
اما الاجابه الاخيره فبالبلدى كده انا حسالك سؤال هو فيه واحد من اثرياء دشنا الا واتهم بانه تاجر مخدرات او تاجر اثار او تاجر سلاح ؟
ياراجل ده اللى بيشترى عربيه حلوه بيقولوا لقى تمثال واللى بيشتغل فى الغاز يقولوا تاجر بدره واللى يشتغل فى الاسمنت والحديد يقولوا تاجر سلاح واللى ربنا يكرمه بقرشين ويشترى حتة ارض يقولوا من الاثار وبعدين لا يسلم المرؤ من قال ومن قيل ولو كان المرؤ مثل جبريل فقد قيل بان لله ولد وذلك شر ما قيل وبعدين الحاج سيد الشريف رجل اعمال ناجح وله فى كل مجال فى العقارات وفى السياحه وفى التوريدات ومش بينام الليل من الشغل والله الراجل اللى انا شوفته فيه انه مكافح ومجاهد فى الحياه وبعدين لسه حتشوف وتسمع كلام كتير هو حيطلع كلام ع باقى المرشحين وهمه حيطلعوا كلام عليه وبعدين مكتوب على ساق العرش لا سلامة من السنه الناس ومين مش بيتقال عليه لو كان موظف مهم فى الدوله حيقولوا مرتشى ولو كان رزقه واسع من التجاره حيقولوا صفقة حشيش او سلاح او اثار وبعدين انت تعرف انه فى القاهره خصوصا تجارة العقارات والتوريدات احسن من الاثار والمخدرات انت عارف انه ممكن يكسب فى يوم واحد وفى صفقه واحده نص مليون وهو فى مكتبه ده رزق من الله وممكن واحد يبيع فدانين فى بلدهم ويروح مصرواول ما يتعرف يتعرف على واحد نصاب وينصب عليه ويروح مسطح فى القطر وبرضه مش حسلم من كلام الناس وحيقولوا صرفهم على الغوازى لا مش الغوازى عشان فى مصر اسمها الرقاصات الغوازى دى كلمه قديمه كنا نقولها زمان فى بلدنا فسيب الملك للمالك يا جناب الكومند ا ولا تسالوا عن اشياء ان تبد لكم تسؤكم وربنا يوسع عليه اكتر واكتر ويوسع علينا جميعا بالحلال ونعمل المنتدى ده مدفوع مش مجانى قولوا امين

جميل يا سيادة المستشار موضوعك وتعليقك والله وأنا معاك قلب وعقل .. طالمــــــا أنت أرتحت لهذا الرجل أو لغيره وأنت معـــــروف عنـك الصــدق والوفــاء والأمانــة .. فأحنا كلنا معاك طالما فيه مصلحة هتعود علي أبناء البلد بغض النظـر مين هــو ومن أي بلـد .. المهم يكون فيه تغيــــــر .. الناس ملــــت .. لا فيه وظائف ولا مصلحة .. وموضوع جاب فلوسـه منين ياسيدي .. دع الملك للمالك ربنا هو أعلم مين اللي فيه خير وبيرزقه .. منكم من أعطيته لانصلح حاله ومنكم من أعطيته لنفسد حاله وهو عـلام الغيوب سبحانه .. المهم هو نافــــع ولا لأ .. والختام باقي عليك يا سيادة المستشار تقول هما مين وأنا والله لأساعد معــاك بقدر أستطاعتي .. والله من وراء القصد .
لك خالص الشكر والأمتنان
تقبل مـــــروري

بصراحه تامه كلام/ صلاح بك رسلان/ جميل المهم في التغيير للأحسن والمفيد للشباب حتي يعم الخير علي الجميع
وتقبل تحياتي / يا أستاذ/ صلاح رسلان

حمادة دياب كتب:: جميل يا سيادة المستشار موضوعك وتعليقك والله وأنا معاك قلب وعقل .. طالمــــــا أنت أرتحت لهذا الرجل أو لغيره وأنت معـــــروف عنـك الصــدق والوفــاء والأمانــة .. فأحنا كلنا معاك طالما فيه مصلحة هتعود علي أبناء البلد بغض النظـر مين هــو ومن أي بلـد .. المهم يكون فيه تغيــــــر .. الناس ملــــت .. لا فيه وظائف ولا مصلحة .. وموضوع جاب فلوسـه منين ياسيدي .. دع الملك للمالك ربنا هو أعلم مين اللي فيه خير وبيرزقه .. منكم من أعطيته لانصلح حاله ومنكم من أعطيته لنفسد حاله وهو عـلام الغيوب سبحانه .. المهم هو نافــــع ولا لأ .. والختام باقي عليك يا سيادة المستشار تقول هما مين وأنا والله لأساعد معــاك بقدر أستطاعتي .. والله من وراء القصد .
لك خالص الشكر والأمتنان
تقبل مـــــروري

اهلا بيك يا حاج حماده واشكرك على كلامك الطيب واسلوبك الجميل وانا بكرر انه الراجل ده مفيش مصلحه بينه وبينى وكمان حضرتك عارف انه لو الحزب جابه مش حيحتاج دعايه فى بلدنا اللى بيحسم الحزب فيها الامر لصالح مرشحيه ولو مجابهوش الحزب مش حيترشح اصلا يبقى مفيش داعى للدعايه لاى حد فى الدايره دى يا حاج حماده خلاص مبقتش فيه حريه للاختيار زى زمان ولا حد حيقدر يختار الا القليل جدا يعنى حتلاقى المرشح المستقل مسكين لا يملك الا قريته فقط اما مرشح الحزب حتى ولو مكروه من الناس حتلاقى اعضاء الحزب يساندوه بعائلاتهم وبلادهم وحتلاقى مجلس المدينة يطلع الموظفين يصوتوا للحزب والمحافظ يطلع موظفينه برضه وتلاقى رجال الشرطه يقفوا فى على الصناديق اللى فيها العضو المستقل وحتلاقى برضه ظابط الشرطه يدخل اللجنه ويسود للحزب ومحدش يقدر يمنعه وعلى فكره حيكون ده فى بلادنا بس اما فى القاهره طبعا الامر يختلف تماما لانه الموضوع يحكمه المال وليس الحزب وحسبنا الله ونعم الوكيل

أحمد سلامه كتب:: بصراحه تامه كلام/ صلاح بك رسلان/ جميل المهم في التغيير للأحسن والمفيد للشباب حتي يعم الخير علي الجميع
وتقبل تحياتي / يا أستاذ/ صلاح رسلان

شكرا يا استاذ احمد وربنا يولى من يعدل

تفتكر يا سيادة المستشار .. هو الشعب صوت علي تعديل دستور ولا خلافه ما هما أللي عايزينه بيعملوه بيعملوه .. زمان كان يوسف والي وكمال الشاذلي .. والنهارده أحمد عز وبكره مش عارفين هيكون مين .. وهي واحدة من المضحكات المبكيات في مصر وفي الآخر يبقي هو هو (الحزن الوطني الحاكم). الحزب الوطني في بلادنا ليس حزبًا بالمعنى الذي تعرفه الشعوب في كل بلـدان العالم، بل حقيقته واضحه بأنه ليس أكثر من ناد للمنتفعين، والمفسدين، والمزورين، والمرتشين، والمستبدين، ونواب القروض، وتجار الحديد لأنهم دخلوا المجلس بالتزوير (حسبي الله ونعم الوكيل). وتقبل خالص تحياتي ودعواتي من مدينة الحبيب المصطفي عليه الصلاة والسلام .. وأنا في أنتظارك يا صلاح بك إن شاء الله في طيبة الطيبة.