هنا دشنا
السادة الزوار, يرجي العلم أنه لن تقبل الاسماء المستعاره لمن يرغب الاشتراك في المنتدي , ويتوجب كتابة الاسم ثلاثي وسوف يتم تنشيط المشترك الجديد بعد التأكد من صحة بيناته


هنا دشنا .. كل ما هو مفيد وممتع و مختلف
 
الرئيسيةالتسجيلالأعضاءدخول
المواضيع الأخيرة
» قصة قصيرة جدا:عبودية..للشربينى الاقصرى
01/08/17, 09:49 pm من طرف الشربينى الاقصرى

» العنب فى الأدب الشعبى...للشربينى الاقصرى
23/05/17, 02:32 am من طرف الشربينى الاقصرى

» من منا العبيط؟!...للشربينى الاقصرى.
16/04/17, 01:37 am من طرف الشربينى الاقصرى

»  قصة قصيرة جداً. أحلام النائم ...للشربينى الأقصرى.
20/03/17, 01:29 am من طرف الشربينى الاقصرى

»  عود على بدء ...للشربينى الاقصرى.
07/02/17, 01:39 am من طرف الشربينى الاقصرى

» وصيةنخلة...للشربينى الاقصرى.
01/02/17, 11:51 pm من طرف الشربينى الاقصرى

»  وشهد شاهد من أهلها...للشربينى الاقصرى.
20/01/17, 04:00 am من طرف الشربينى الاقصرى

» ياأم الصابرين...للشربينى الاقصرى.
14/01/17, 08:59 pm من طرف الشربينى الاقصرى

» ملكيون أكثر من الملك...للشربينى الاقصرى.
04/01/17, 11:11 pm من طرف الشربينى الاقصرى

» قراءة فى أغنية...للشربينى الاقصرى.
03/01/17, 01:53 pm من طرف الشربينى الاقصرى

» غزل عصرى...للشربينى الاقصرى.
23/12/16, 12:42 am من طرف الشربينى الاقصرى

» قصة قصيرة جداً: الحرية...للشربينى الاقصرى.
09/12/16, 05:29 pm من طرف الشربينى الاقصرى

» أحقاً أمة العرب أمة الجرب ..للشربينى الاقصرى
07/12/16, 12:21 am من طرف الشربينى الاقصرى

» قصة قصيرة جداً: فى الحانة...للشربينى الاقصرى.
19/11/16, 12:16 am من طرف الشربينى الاقصرى

» وداعاً رأفت الهجان...للشربينى الاقصرى.
13/11/16, 11:46 pm من طرف الشربينى الاقصرى

تابعونا علي الفيس بوك
أتصل بنا
المنتديات

شاطر | 
 

 حبيتك / قصيده عن الزوجه الصالحه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رؤوف
عضو مميز
عضو مميز
avatar

موبايل : 055
عدد المساهمات : 109
نقاط : 191
العمر : 31
بلد الاقامة : السعودية

مُساهمةموضوع: حبيتك / قصيده عن الزوجه الصالحه   15/02/10, 07:52 am

حبيتك لإلتزامك . . . . . . . . . . . . حبيتك لاحترامك

حبيت فيكي التواضع . . . . . . . . . . .
والعزة اللي ف كلامك

مبسوط منك لأنك . . . . . . . . . . . .
إسلامك كل همك

أنا أصلي قابلت بابا . . . . . . . . . .
. . واداني فكرة عنك

وسألته عن طباعك . . . . . . . . . . . .
إن كانت يعني هادية

فحكالي عن سماعك . . . . . . . . . . . .
لكلامه وانت راضية

وازاي بتسلي نفسك . . . . . . . . . . . .
بذكرك وانت فاضية

وحلاوة صوت تلاوتك . . . . . .. . . . .
وازاي بتكوني شادية

* * *

وسألته إن كنتي فاهمة . . . . . . . . . .
. . معنى كلمة زوجين

قالي هتكونوا ورقة . . . . . . . . . . .
. مطبوعة نسختين

غني كنت أو فقير . . . . . . . . . . . .
ليك عند بنتي دين

سرك هيكون في بير . . . . . . . . . . . .
معرفش مكانه فين

تفضل دايماً كبير . . . . . . . . . . . .
في نظرها حبتين

لو جيت بفلوس كتير . . . . . . . . . . .
. تطمن جت منين

* * *

هتكون دايماً معاها . . . . . . . . . . .
. سيرتك هتكون هواها

والشوق اللي ف خيالك . . . . . .. . .
. . . تلقاه لحظة لقاها

لو جيت زعلان ف مرة . . . . . . . . . .
إرمي همومك وراها

ومهما شوفت بره . . . . . . . . . . . .
مش هتشوف مستواها

واطمن يابني خالص . . . . .. . . . . .
عقلها مافيهوش تفاهة

وزي ما هي بنتي . . .. . . . . . . . . .
بنت حماتها وحماها

* * *

وسألته عن ولادي . . . . . . . . . . . .
منك هيكونوا إيه؟

قاللي هيكونوا عادي . . . . . . . . . . .
. فسألته يعني إيه؟!

قاللي العادي إللي كان . . . . . . . .. .
. . عند الناس من زمان

العادي بتاع سراقة . . . . . . . . . . .
. وحذيفة بن اليمان

العادي بتاع أسامة . . . . . . . . . . .
. وابن الحكيم لقمان

ده العادي بتاعنا إحنا . . . . . . . . .
. . . بنربي عليه عشان

لو جينا ولا رحنا . . . . . . . . . . . .
هنقابل الرحمن

عمرك ما تخاف عليهم . . . . . . . . . . .
. ولادك في الأمان

أنا بنتي هتربيهم . . . . . . . . . . . .
ع السنة والقرآن

هتشوف ابنك بيصحى . . . . . . . . . . . .
مادام سمع الأذان

ينزل في الفجر يقرا . . . . . . . . . . .
. بالسجدة والانسان

هتشوف في حجاب بناتك . . . . . . . . . .
. . العفة والإحسان

هتشوف إزاي مراتك . . . . . . . . . . . .
هتعينك إنت كمان

* * *

وسألته عن حياتك . . . . . . . . . . . .
من قبل الالتزام

قال أفتكر في ليلة . . . . . . . . . . .
. مش فاكر أنهي عام

أذان الفجر أذن . . . . . . . . . . . .
وقالتلي سيبني أنام

فدخلت الأوضه جوه . . . . . . . . . . . .
أجيب منها الحزام

وعبال ما رجعت تاني . . . . . . . . . .
كات رجعت ف الكلام

الله يجازي الشيطان . . . . . . . . . . .
. خلاها تقول أنام

بس اطمن خلاص . . . . . . . . . . . .
دلوقتي بقت تمام!

* * *

قلتله طيب ياعمي . . . . . . . . . . . .
يسعدني أقولك إني

بطلب بنتك ونفسي . . . . . . . . . . .
تناسبني وترضى عني

راح شادد فجأه لبسي . . . . . . . . . . .
. وقلب وشه وسألني

* * *

حافظ كم جزء يابني . . . . . . . . . . .
. وقاري كم كتاب

احكيلي كده عن مؤتة . . . . . . . . . . .
. أوغزوة الأحزاب

وسمع كم حديث . . . . . . . . . . . . في
الأخذ بالأسباب

وكمان سمعلي آيه . . . . . . . . . . . .
ذكرت فيها الدواب

ولو شايفها صعبة . . . . . . . . . . . .
قللي بتاعة الذباب

واحكيلي حلم يوسف . . . . . . . . . . . .
وبراءة الذئاب

واخواته لما جولوه . . . . . . . . . . .
. دخلوا من أنهي باب

واديني فكرة برضه . . . . . . . . . . . .
بتقبض كم ثواب

وناوي ازاي تحسن
.....................أنا شايفك لسه شاب

* * *

وسأل نفسه وسألني . . . . . . . . . . . .
هيعوز إيه يعني مني؟ لو عندي كل حاجه . . . . . . . . . . . . وديني مش
شاغلني

أحسن لك تنسى بنتي . . . . . . . . . . .
. ومهرك مش لازمني

قلتله صبرك ياعمي . . . . . . . . . . . .
وبراحتك امتحني

يبقى اما أسأل تجاوب . . . . . . . . . .
. . خليك دايماً فاهمني

سألتك وانت ساكت . . . . . . . . . . . .
خليتني أظن ظني

وفضل يسأل واجاوب . . . . . .. . وعشان
خاطرك عصرني

وظهرت النتيجة .. . . . . . . . . . . .
وبفضل الله قبلني

* * *

قاللي مقبول في نظري . . . . . .. . . . .
مبروك عليك ياسيدي

لكن في نظرها هي . . . . . . . . . . . .
نجاحك مش بإيدي

وهي زمانها راجعة . . . . . . . . . . . .
من تمرين السويدي

خليك قاعد شوية . . . . . . . . . . . .
استنا لما تيجي

هعملك من إيديا . . . . . . . . . . . .
كباية شاي صعيدي

* * *

سابني وقعدت أفكر . . . . . . . . . . . .
هل ممكن ترفضيني

طاب قولي حتى أفكر . . . . . . . . . . .
. مش يمكن تفهميني

وفضل مخي يلاعبني . . . . . . . . . . . .
يجيبني ويوديني

وخايف م المقابلة . . . . . . . . . . . .
مرعوب بينك وبيني

ودق الباب في ثانية . . . . . . . . . . .
. وشوفتك مرة تانية

مش قادر أنسى يومها . . . . . . . . . . .
. وفاكر كل ثانية

* * *

ونده والدك عليكي . . . . . . . . . . . .
عشان أول لقاء

دخلتي وشوفت وشك . . . . . . . . . . . .
عليه نور الحياء

نور والله فعلاً . . . . . . . . . . . .
مش نور بودرة وزواء

كان أول مرة أخاف . . . . . . . . . . . .
من فتنة النساء

أخلاقك مش عادية . . . . . . . . . . . .
وجمالك كان شفاء

* * *

قعدتي جنب والدك . . . . . . . . . . . .
وسألتيني وجاوبتك

وفكل مرة أجاوب . . . . . . . . . . . .
كنت باشوف ابتسامتك

ف أقول من جوه نفسي . . . . . . . . . .
. يارب أكون عجبتك

وبعد شوية قمتي . . . . . . . . . . . .
ندهت عليكي مامتك

ورحتي دخلتي جوه . . . . . . . . . . . .
وراح وراكي والدك

وانا قلت مش مروح . . . . .. . . . . . .
غير لما أكون خطبتك

* * *

وابوكي جاني تاني . . . . . . . . . . . .
وقرب من وداني

لابس كرفته سوده . . . . . . . . . . . .
وبدله لون فراني

المنظر يعني كله . . . . . . . . . . . .
ميدلش ع التهاني

قلتله مالك ياعمي . . . . . . . . . . . .
من فضلك قول عشاني

عرقي غرقلي كمي . . . . . . . . . . . .
سايبني ليه أعاني

قاللي مستني إيه . . . . . . . . . . . .
فين إيدك إديهاني

البنت مش موافقة . . . . . . . . . . . .
تتجوز حد تاني

* * *

كان أول مرة أعرف . . . . . . . . . . . .
إزاي الناس بتفرح

سعادتي كات غريبة . . . . . . . . . .
مش ممكن هقدر أشرح

من كتر حبي ليكي . . . . . . . . . . . .
نويت أضحي وادبح

رحت اشتريت خروف . . . . . . . . . .
وكان خروف بينطح

ده أخيراً هبقى جوزك . . . . . . . . . .
وشجرة صبري تطرح

* * *

خطوبتنا كات بسيطة . . . . . . . . . . .
. مكانش فيها زيطة

وفرحنا كان في جامع . . . . . . . . . . .
. يعني مش خلطبيطة

ومامتك جت في يومها . . . . . . . . . .
. ورقعت كام سويطة

هاتولي بنتي منه . . . . . . . . . . . .
دي مش فاهمة العبيطة

إنه هيخطفها مني . . . . . . . . . . . .
وهتوحشني الغتيتة

* * *

صعبت عليا مامتك . . . . . . . . . . . .
الموقف كان شديد

لكن فعلاً خطفتك . . . . . . . . . . . .
ورحنا مكان بعيد

فاكرة ولا انتي ناسية . . . . . . . . . .
. . أكيد فاكرة أكيد

من يوم ما بقيتي زوجتي . . . . . . . . .
. وانا متهني وسعيد

معايا ف كل يوم . . .. . . . . . . . . .
ويوم لؤاكي عيد

عمرك ما دقتي نوم . . . . . . . . . . . .
وانا تعبان أو مريض

فلوسي كات بتكتر . . . . . . . . . . . .
والخير عندك يزيد

وعامله ليه دفتر . . . . . . . . . . . .
ومرتبه المواعيد

وبفضل الله قدرتي . . . . . . . . . . . .
وجبتيلي الوليد

وبعديها بشوية .. . . . . . . . . . . .
جبتيلنا عليه يزيد

وبعديه جت سمية . . . . . . . . . . . .
وآخرهم كان حميد

بدعيلك كل يوم . . . . . . . . . . . .
وأفضل أعيد وازيد

ربيتي عيالي دول . . . . . . . . . . . .
ع القرآن المجيد

طول عمرك وانتي صافية . . . . . . . . .
. . قلبك لون الجليد

أخلاقهم مش عادية . . . . . . . . . . . .
طلعنلك مش بعيد وليد دلوقتي ظابط . . . . . . . . . . . . ومعاه رتبة عقيد


ودعوة قلبي صابت . . . . . . . . . . . .
ويزيد أهو مات شهيد

وبنتك صيدلانية . . . .. . . . . . . . .
وحميد أصبح معيد

الله يرحم أبوكي . . . . . . . . . . . .
راجل من نوع فريد

كل اللي قاله فيكي . . . . . . . . . . .
. أنا عشته بالتحديد

* * *

عشت معاكي ف حكاية . . . . . . . .. . . .
أحلى وأجمل رواية

حكايتي كات معاكى . . . . . . . . . . . .
وحكايتك كات معايا

اديتك كل عمري . . . . . . . . . . . .
وهمك كان رضايا

وعمرك خدته منك . . . . . . . . . . . .
وقربك كان دوايا

وخلاص العمر راح . . . . . . . . . . . .
راحت أيام صبايا

ومسافر رحله صعبة . . . . . . . . . . . .
وزادي مش كفايه

مش عاوز أشوف دموعك . . . . . . . . .
بالذات ف يوم عزايا

أنا عارف إنتي عارفة . . . . . . . . . .
. إن الموت مش نهاية

دي لسة الرحلة طالعة . . . . . . . . . .
. . والموت خط البداية

إدعيلي يمكن أوصل . . . . . . . . . . . .
وأشوف هناك حمايا

أنا عارف إنه فيها . . . . . . . . . . .
. محجوزله هناك سرير


وسلامي في النهاية . . . . . . . . . . . . أنا
خلصت الحكاية

لو يوم فكرتي فيه . . . . . . . . . . . .
إقري شعري وغنايا

وأمانه ف كل مرة . . . . . . . . . . . .
تدعي لي بالهداية

عسى ربي بدعائك . . . . . . . . . . . .
يغفر ليا الخطايا

ربنا يرزق الجميع الزوجه الصالحة
والازواج الصالحين



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد حسن
المشرف الديني
avatar

عدد المساهمات : 286
نقاط : 374
العمر : 37
بلد الاقامة : بريطانيا-اسكتلندا

مُساهمةموضوع: رد: حبيتك / قصيده عن الزوجه الصالحه   15/02/10, 09:46 pm

رائع وجزاكم الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أيمن الطيب
وسام التميز
وسام التميز
avatar

موبايل : 0110820333
عدد المساهمات : 683
نقاط : 1010

مُساهمةموضوع: رد: حبيتك / قصيده عن الزوجه الصالحه   16/02/10, 12:19 am

جعل الله شبابنا ممن يظفرون بذات الدين وحماهم الله من شر المظاهر الكاذبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عباس
المشرف الثقافي
المشرف الثقافي
avatar

موبايل : 0103908501
عدد المساهمات : 240
نقاط : 293
بلد الاقامة : دشنا _ الصعايدة

مُساهمةموضوع: رد: حبيتك / قصيده عن الزوجه الصالحه   16/02/10, 12:29 am

الاخ روؤف كلمات اكثر من رائعة
لك منى كل التحيه والتقدير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ناجي شمندي
عضو مميز
عضو مميز
avatar

عدد المساهمات : 122
نقاط : 157
بلد الاقامة : السعودية_جدة

مُساهمةموضوع: رد: حبيتك / قصيده عن الزوجه الصالحه   16/02/10, 08:01 am

جميل اخي رؤوف والف سلامه عليك من الموت ورائع رائع رائع استمر في الابداع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رؤوف
عضو مميز
عضو مميز
avatar

موبايل : 055
عدد المساهمات : 109
نقاط : 191
العمر : 31
بلد الاقامة : السعودية

مُساهمةموضوع: رد: حبيتك / قصيده عن الزوجه الصالحه   16/02/10, 08:15 am

اشكر كل من مر بموضوعى المتواضع
ولكم منى كل التقدير والإحترام

وللأستاذ ناجى بقول له الله يسلمك وربنا يحسن لنا ولكم وللمسلمين الختام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رؤوف
عضو مميز
عضو مميز
avatar

موبايل : 055
عدد المساهمات : 109
نقاط : 191
العمر : 31
بلد الاقامة : السعودية

مُساهمةموضوع: رد: حبيتك / قصيده عن الزوجه الصالحه   16/03/10, 10:44 am

شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حبيتك / قصيده عن الزوجه الصالحه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هنا دشنا :: هنا دشنا :: منتهي الثقافة-
انتقل الى: