قبل نتيجة الحزب .. صوتك امانة

بالفعل صوتك أمانة , وهتلاقي ناس كتير جدا جدا , لاتستحق ان تعطيها صوتك لا في انتخابات ولا غيره ,
===هتلاقي اتنين مرشحين لا يشرفو ولا ينفعو يترشحو داخل عائلاتهم, هتلاقي ناس تكسف , وناس عرة في اخلاقها ومباديئها وثقافتها . وناس لاتصلح ان تكون من الشعب وعايزين يبقوا اسياد علي الشعب
بعضوية مجلس الشعب
اياك ان تخالف ضميرك , واياك ان تجامل واياك ان تختار واحد لانه دمه خفيف أو بيعزي كتير , بيروح افراح كتير ,او لانه جيرانك او قريبك او قريبه فلان ولا علان
اتقي الله في صوتك ولازم تعرف ان مجلس الشعب اصبح علم ومعرفه او ينبغي ان يكون كذلك
النائب لو كان جاهل وغير فاهم حاجه في اي حاجه , لا هيعرف يناقش قانون نووي ولا قانون دستوري ولا هيعرف يعمل اي تشريع قانوني وهيقعد زي الكرسي اللي قاعد عليه
الدنيا اصبحت صعبة , والعلاقات الدولية اصبحت صعبة , والسياسة اصبحت صعبة , وعايزين ناس يكونو اجلاء فعلا , يكون عندهم علم وعندهم معرفة وعندهم قدرة
مش واحد يتنفض اول ما يشوف وزير ويجري يتصور معاه بالموبايل أو واحد يجيبله شوية فول سوداني ويعزم علي رئيس الوزراء او واحد تلاقي صورته واسمه في كذا موضوع وغيره كتير
----------مجلس الشعب اللي فات ما كان يشرف----------
وحان الوقت اننا نعمل مجلس بمستوي الشعب
فعلا صوتك امانة وفعلا لازم تعطيه لمن يستحق
وعلشان خاطر ربنا وخاطر البلد اقعد مع نفسك شوية وفكر هتدي صوتك لمين
ويارب نلاقي مجلس شعب بمستوي الشعب وما يكون مؤسف زي اللي فات

نتمني ذلك يا اخ محمد
وربنا يصلح الاحوال
بس ما أظنش الناس يستوعبو الكلام اللي بتقوله
شكرا تقبل تحياتي

الاخ المحترم/عمادالدين محمود احمد
كل عام وحضرتك بخير
وان شاء الله عيد مبارك عليكم وعلي كل الاهل والاحباب
من زمان ما اتقابلنا في اي موضوع
وشاكر ليك مجرد ان تلقي نظرة علي سطوري
وان كانت في الحقيقة هي نسخه من كلام قاله الكاتب الصحفي/احمد المسليماني في برنامج الطبعة الاولي
واردت ان انقله اليكم واعلم جيدا ان الجميع قد اختار اتجاه صوته وانتهي الامر
لكن لثقتي ان المنتدي يضم عقول قادرة علي اعادة التفكير بشكل سليم كانت هذه الكلمات بين ايديكم
واتمني انك تقابلي في موضوع

عاجل: اسماء المرشحين لعضوية مجلس الشعب ورموزهم

علشان نشوفك بتحب العنب ولا السمك ولا لحم الجمل وعندنا لحم غزال وشنط وموز وتفاح
وهتلاقي بتوجاز لو حبيت تشوي السمك في زيت عباد الشمس
وفي كمان طلمبه مياه علشان تعمل فنجان شاي وخيرات كتير بس انت تعالي